Fröken Ómundardóttir

2.7.2007 | 23:19

Júní

Nú er litla daman komin á ferð og flug. Mesta sportið er að standa, standa og standa og svo líka að ganga meðfram öllu sem hægt er að ganga meðfram. Hún er þó enn smá klaufi að setjast og finnst gríðarlegt öryggi í að maður komi við höndina á henni er hún mundar sig við að setjast - þá er alveg hægt að láta sig detta á bossann. Kofinna Sjöfn fór í 11 mánaða mælingu og reyndist vera orðin 7500 g. og 72,5 cm. - há og grönn eins og foreldrarnir Hún heldur áfram að bæta við orðaforðann sinn. Loksins sagði hún "pabbi" og svo kann hún líka að segja "sjáðu", "takk", "mjá" og að ógleymdu "datt" - endar dettur ansi margt þessa dagana að hennar mati. Tvær tönnslur birtust í neðri góm um miðjan júní og var mamman svo heppin að finna þá fyrstu. Annars er júní búinn að vera mjög viðburðarríkur. Móðirin á heimilinu varð þrítug í mánuðinum og faðirinn 35 ára, þó svo hann haldi því fram að hann sé 25 eða yngri Svo létu Benna Laufey og Ólafur Þór pússa sig saman um Jónsmessuna og var gríðarlegt húllumhæ í kringum það. Loksins lét góða veðrið sjá sig og erum við mæðgur búnar að vera ansi duglegar að dúlla okkur á sólpallinum - það er jú líka hægt að standa upp við og ganga meðfram garðhúsgögnunum svo það skiptir ekki máli hvort maður sé úti eða inni Endilega verið dugleg að kvitta er þið kíkið hér inn - það er svo gaman að sjá hverjir eru að skoða þetta bull hjá manni. Kveðja, Lambhagalufsurnar

Flokkur: Vinir og fjölskylda | Facebook

Athugasemdir

Kvittikvitt! Alltaf gaman að skoða flottu myndirnar af Kolfinnu Sjöfn krúttulínu og fá fréttir af ykkur :-) Bið að heilsa.

Ólöf Bjarnadóttir 5.7.2007 kl. 20:59

hæhæ bara að kíkja kv Dagrún

Dagrún 17.7.2007 kl. 13:02

Jæja skvísí, mín bara alveg að verða 1. árs!!!!

Koss og knús Benna Laufey og co

Benna Laufey 19.7.2007 kl. 13:47

sæl Kolfinna Sjöfn og til hamingu með 1 árs afmælið um seinustu helgi. Alltaf jafn gaman að lesa um hvað er að gerast í lífi þínu. Kveðja INgveldur Geirs.